Dez de Março em Ferrol

Dez de Março em Ferrol

o vento sopra do sul,

um vestido camiseiro

sapatos de veludo azul.

Baixa a persiana menina

que fique todo em silencio!

Mulheres gritam na rua

a soidade do obreiro.

Uns olhos de menina

entre as teias ao axexo

gravam nas tenras retinas

as imagens do assédio.

Baixa a persiana menina

que fique todo em silencio!

Dez de Março em Ferrol

o vento sopra do sul,

um vestido camiseiro

sapatos de veludo azul.

Ao dobrar aquela esquina

os pés descalços a alcançam

com os buzos do estaleiro

que hoje já nom trabalham.

Baixa a persiana menina

que fique todo em silencio!

As ruas som coma um rio

que enchem os heróis dum tempo.

8M em Ferrol, nada volverá a ser igual.

 

As queimadas do nordés

ártabras de Prior

subindo a Monteventoso

e baixando ate Valom.

As que subiamos Chamorro

a soterrar no solpor

aqueles corpinhos mortos

depois de pari-los nós.

As que no mil catrocentos

nom saímos a fuxir

e luitamos contra a peste

sem ter a quem acudir.

As que o lume vencemos

no século dezasseis

que levou trescentas casas

que houve que erguer outra vez.

As de cesta na cabeça

para o dique,

para a lenha,

para o leite,

para a roupa,

para o peixe e o carbom.

As que abalamos as pedras

a soar coma canhons

para espantar ao inglês

polos montes de Briom.

As que limpamos o sangue

de Antonia Alarcom

e a velamos varias noites

onde a tirania a deixou.

As que inspiramos justiça

na alma de Concepçom

e demos-lhe pegada forte

para abrir as prisons.

As que choramos a Amada

bicando o seu paredom

e aninhámavos cos olhos

ao filho que nos deixou.

As da Pisbe,

a Madereira,

soa a serea em Pinhom,

as de Hispania,

as do sal,

a comida em caldereta

soa o pito da Bazán,

As que saímos com Mela

aló no setenta e dous

para romper as algemas

cos punhos coma ferróns.

As que vemos o futuro

cheio de nubarróns,

e seguimos sendo ártabras

dende o abrente ao solpor.

……..

Somos as de Trasancos,

somos as de Ferrol.

Para todas as que hoje ateigachedes de alegría e luita as ruas de Ferrol.

Quem falará de vós?

Hoje transcurriu umha manifestaçom com miles de feministas polas rúas de Vigo. O nosso povo segue a dar monstras de estar à vangarda de cámbios socias
profundos. Nom pude assistir. Para todas vós este meu poema em reconhecemento e agradecemento.